Kjo është rezoluta e AAK-së e refuzuar nga VV-ja

Kjo është rezoluta e AAK-së e refuzuar nga VV-ja

Ditën e sotme është mbajtur debat parlamentar në Kuvendit të Kosovës, thirrur nga Aleanca për Ardhmërinë e Kosovës (AAK), për çështjen e projektit të gazsjellësit të MCC-së.

AAK bashkë me mocionin përmbajtësor kishte propozuar edhe një rezolutë, e cila nuk u miratua, pasi 46 deputet të pozitës votuan kundër.
Haradinaj para votimit të rezolutës kërkoi nga grupet parlamentare që të pajtoheshin rreth tekstit, por Lëvizja Vetëvendosje ishte në kundërshtim të plotë dhe vendosën që të votonin kundër.

Rezoluta e propozuar nga AAK dhe e përkrahur nga e tërë opozita:


REZOLUTË
1.Obligohet Qeveria e Kosovës të përcaktohet për alternativat strategjike të furnizimit me energji dhe në afat sa më të shkurtër ta revidoj Strategjinë e Energjisë të Republikës së Kosovës 2017-2026.

2.Ta informojë Kuvendin e Republikës së Kosovës për alternativat e furnizimit me energji me informata të detalizuara ekonomike dhe strategjike.
3.Të bashkëpunojë me MCC si Agjenci Federale e SHBA-të që të zgjidhen sa më parë dilemat e panevojshme të cilat i keni vendos me veprimet e fundit.

4.Të merren veprime konkrete për të mundësuar që buxheti prej 200 milion i destinuar nga Administrata Biden të shfrytëzohet sipas marrëveshjeve të deritashme me MCC dhe studimeve që janë bërë nga ata deri me tani

5.T’i kërkoni falje administratës Biden, Ambasadës amerikane në Kosovë dhe qytetarëve të Kosovës për dëmtimet eventuale të raporteve me SHBA-të dhe të merrni veprime konkrete për rivendosjen e raporteve të sinqerta.

Lexo edhe

Video