KF Gjilani: Incidenti erdhi si rrjedhojë e reagimit të dobët nga Policia e Kosovës

KF Gjilani: Incidenti erdhi si rrjedhojë e reagimit të dobët nga Policia e Kosovës

Përmes një komunikate zyrtare të lëshuar në faqen zyrtare, klubi i futbollit Gjilani ka dënuar ashpër rastin e dhunës që ndodhi në stadiumin e këtij qyteti ku tifozët vendas sulmuan fizikisht portierin e skuadrës mysafire Stivi Frashëri.

Ndër të tjera në reagimin e tyre, ata thonë se situata u agravua pas golit të barazimit dhe se incidenti erdhi për shkak të reagimit të dobët të policisë së Kosovës.

Më tutje ata i kanë kërkuar ndjesë KF Ballkanit duke garantuar që kjo situatë nuk do t’i dëmtojë raportet ndërmjet dy klubeve, derisa bëhet e ditur se do të ndërmerren të gjitha masat që personat përgjegjës të vihen para drejtësisë dhe t;iu ndalohet përjetësisht hyrjen në ndeshjet e organizuara nga Sport Club Gjilani.

Reagimi i plotë i KF Gjilanit:

Sport Club Gjilani dënon ashpër incidentin e ndodhur në duelin e xhiros së XXVII-të në BKT Superligë ndaj skuadrës së Ballkanit.

Si klub nikoq i kësaj ndeshje kishim ndërmarrë të gjitha masat e sigurisë për të garantuar sigurinë dhe mbarëvajtjen e ndeshjes, ndër të tjerash kishim siguruar edhe qëndrimin e tifozëve mysafir.


Për planin operacional të sigurisë dhe organizimit të ndeshjes janë njoftuar para ndeshjes personat zyrtar nga Federata e Futbollit e Kosovës, si dhe vet klubi mysafir.

Për fat të keq situata u agravua në minutat shtesë të ndeshjes me rastin e golit të barazimit dhe si rrjedhojë e reagimit të dobët nga Policia e Kosovës erdhi edhe incidenti, me ç’rast u lëndua futbollisti Stivi Frashëri, të cilit i urojmë shërim të shpejtë në rend të parë dhe ndjesë për këtë ngjarje, e cila vetëm Sport Club Gjilanit nuk guxon t’i ndodh.

Gjithashtu, Klubit Futbollistik “Ballkani” i kërkojmë ndjesë publike dhe i garantojmë gjithashtu që ky akt i shëmtuar nuk do t’i dëmtojë asnjëherë raportet e klubeve mes vete.

Zyrtarët përgjegjës për siguri dhe organizimin e ndeshjes kanë evidentuar vërejtjet pas përfundimit të ndeshjes dhe po punojnë në identifikimin e personave të cilët kryen këtë akt vandal, për t’u ndaluar përjetësisht hyrjen në ndeshjet e organizuara nga Sport Club Gjilani.

Sport Club Gjilani shpreh keqardhje për gjithë atë se çfarë ka ndodhur dhe do të përkujdeset me përgjegjësinë më të lartë që ky të jetë incidenti i fundit, në ndeshjet të cilat organizohen nga klubi.

Sport Club Gjilani

Lexo edhe

Video