Kearns kërkon drejtësi për sulmin në Banjskë: Radojiçiq të përballet me drejtësinë
Deputetja britanike, Alicia Kearns ka thënë se terroristi Milan Radojiçiq duhet të përballet me drejtësinë për agresionin e 24 shtatorit të 2023-ës në Banjskë të Zveçanit.
Me rastin e një-vjetorit të sulmit terrorist ku mbeti i vrarë rreshteri policor Afrim Bunjaku, përgjegjësinë e të cilit e mori Milan Radojiciq, Kearns ka kërkuar që edhe personat e tjerë të involvuar të përballen me drejtësinë.
Drejtësia, thekson ajo, është e nevojshme për pajtimin dhe paqen në Ballkan.
“Një vit nga vrasja e Afrim Bunjakut.
Milan Radoiçiq dhe përgjegjësit duhet të përballen me drejtësinë.
Drejtësia është e nevojshme për pajtimin dhe paqen në Ballkan”, ka shkruar ajo.
Kujtojmë se institucionet e Kosovës kanë kërkuar disa herë nga aleatët ndërkombëtarë që t’i bëjë presion Serbisë për të dorëzuar kriminelët e Banjskës. Dy herë radhazi përmes Ministrisë së Drejtësisë, institucionet i janë drejtuar Serbisë me kërkesën për ofrim të provave. Serbia ka refuzuar, madje ka kërkuar që autoritetet vendore të dorëzojnë provat që ka Kosova për sulmin në Banjskë.
Në fillim të këtij muaji, gati pas një viti, Prokuroria Speciale ka ngritur aktakuzë ndaj 45 personave për sulmin në Banjskë. Në mesin e të akuzuarve kryesor është Milan Radojiçiq, si udhëheqës i grupit. Sipas aktakuzës së siguruar nga KosovaPress, ata kanë kryer veprën penale “Kryerja e veprës terroriste” dhe veprën penale “Veprat e rënda kundër rendit kushtetues dhe sigurisë së Republikës së Kosovës”. Disa nga ata akuzohen edhe financim të grupit, shpëlarje të parasë.
https://kosovapress.com/perballja-per-shtetesi-dhe-sulmi-terroriste-ne-banjske
Në një-vjetorin e sulmit në Banjskë, Dioqeza e Rashkës dhe Prizrenit ka njoftuar se Manastiri në Banjskë do të jetë i mbyllur për vizitorë për tri ditë.
https://kosovapress.com/hovenier-autoret-e-krimit-ne-banjske-te-mbahen-plotesisht-pergjegjes
