Kartoni i Gjelbër temë prioritare në takimin e guvernatorit me kryeparlamentaren Osmani

Kartoni i Gjelbër temë prioritare në takimin e guvernatorit me kryeparlamentaren Osmani

Guvernatori i Bankës Qendrore të Republikës së Kosovës, Fehmi Mehmeti i shoqëruar nga kryetari i Bordit të BQK-së, Flamur Mrasori, u pritën nga kryetarja e Kuvendit të Kosovës, Vjosa Osmani-Sadriu, me ç’rast e uruan për detyrën e re.

Siç njofton Zyra e Kuvendit, guvernatori Mehmeti ka njoftuar kryeparlamentaren Osmani-Sadriu lidhur me zhvillimet në sektorin financiar, duke përfshirë këtu gjithë progresin e arritur në këtë sektor, si dhe rëndësinë e tij në zhvillimin ekonomik të vendit në përgjithësi.

Njëherësh, Guvernatori Mehmeti ka përmendur edhe sfidat e prioritetet e BQK-së ku Kuvendi i Kosovës është mbështetësi më i rëndësishëm në realizimin e tyre.

Kryetarja Osmani-Sadriu ka falënderuar Guvernatorin për informacionin e dhënë dhe ka ofruar mbështetjen për realizimin e sfidave dhe objektivave me interes të përbashkët institucional.


Një ndër temat e rëndësishme dhe që kërkon trajtim me prioritet ishte gjetja e një modaliteti për çështjen e Kartonit të Gjelbër, në mënyrë që diaspora jonë të gjejë mbulesë siguruese brenda policave siguruese nga vendi i origjinës e jo të ketë pagesë shtesë për sigurim veturash.

Të dy bashkëbiseduesit u zotuan që të ketë një bashkëveprim ndërinstitucional që kjo temë të trajtohet me prioritet dhe dinamike më intensive.

Guvernatori ka falënderuar Kryetaren Osmani-Sadriu për pritjen dhe është zotuar për bashkëpunim dhe takime të rregullta më qëllim të realizimit me sukses të sfidave të përbashkëta për institucionet përkatëse.

 

Lexo edhe

Loading...
error: