Kanada: Rreth 900.000 shtëpi pa energji elektrike

Kanada: Rreth 900.000 shtëpi pa energji elektrike

Të paktën pesë njerëz kanë vdekur dhe rreth 900.000 shtëpi në Kanadanë jugore mbetën pa energji elektrike kur një stuhi e fortë goditi provincat e Ontarios dhe Quebec të shtunën.

Katër persona kanë humbur jetën në Ontario kur pemët ranë mbi ta, ndërsa një grua vdiq në Quebec kur një varkë u përmbys në lumin Otava, raporton BBC.

Erërat arritën një fuqi prej 132 kilometrash në orë gjatë stuhisë, njoftoi agjencia qeveritare.


Sipas kompanisë së energjisë elektrike, e cila mbulon Ontarion, nevojiten disa ditë për të rinovuar furnizimin me energji elektrike në çdo shtëpi.

Kompania “Hydro Quebec” shton se 550 mijë shtëpi kanë mbetur pa energji elektrike dhe se 400 mijë prej tyre ende sot në orën 10:00 me orën lokale nuk kanë pasur energji elektrike.

Gjatë stuhisë, e cila zgjati më shumë se dy orë, janë thyer shumë pemë, janë dëmtuar shtëpitë, si dhe ka pasur shqetësime në funksionimin e qarkullimit.

Lexo edhe

Video