Kanada bleu 20.000 copë municion artilerie për Ukrainën sipas standardeve të NATO-s në mënyrë që të mbështesë mbrojtjen e këtij vendi nga pushtimi rus, tha sot ministrja kanadeze e Mbrojtjes Anita Anand.
Municioni u ble nga Shtetet e Bashkuara për rreth 98 milionë dollarë kanadezë (76.32 milionë dollarë amerikanë) dhe së shpejti do të dorëzohet në Ukrainë.
Ministri amerikan i Mbrojtjes, Lloyd Austin, gjatë një takimi virtual me aleatët për të koordinuar procesin e armatosjes së Ukrainës, i cili u mbajt të hënën, tha se rreth 20 vende njoftuan paketa të reja të ndihmës për sigurinë për Ukrainën.
Today, at the Ukrainian Cultural Centre in Victoria, I announced the next package of Canadian military aid to Ukraine. Canada will donate over 20,000 artillery rounds of 155 mm NATO standard ammunition, including fuses and charge bags, to assist Ukraine as it defends itself. pic.twitter.com/ZO6CBkKrDY
— Anita Anand (@AnitaAnandMP) May 24, 2022
