Juventusi me përmbysje të rezultatit shënon fitore kundër Romës

Juventusi me përmbysje të rezultatit shënon fitore kundër Romës

Ka përfunduar ndeshja dramatike në stadiumin “Olimpico” mes skuadrës së Romës dhe asaj të Juventusit.

Pas 90’ minutave lojë, Juventusi ka shënuar fitore si mysafirë kundër Romës me rezultat të ngushtë 4:3, përcjell KosovaPress.

Pjesa e parë e kësaj ndeshje përfundoi e barabartë 1:1, ku Abraham shënoi për Romën në minutën e 11’ të ndeshjes, kurse rezultatin e barazoi sulmuesi anësorë Paulo Dybala në minutën e 18’.

Pjesën e dytë e nisi më mirë Roma, ku edhe shënoi dy gola të shpejtë përmes Mkhitaryan (minuta e 48’) dhe Lorenzo Pellegrinit (minuta e 53’), për ta thelluar rezultatin në 3:1 kundër Juventusit.


Por, “Zonja e Vjetër” arriti të rikthehet në lojë, ku fillimisht ngushtoi rezultatin në 3:2 përmes Locatellit, kurse Dejan Kulusevski arrin ta barazojë rezultatin në 3:3 në minutën e 74’ të ndeshjes.

Juventusi nuk e ndali presionin e madh, ku e gjeti golin e përmbysjes së rezultatit përmes mbrojtësit Mattia De Sciglio, i cili shënon në minutën e 77’ për 4:3, kështu duke ia siguruar skuadrës së tij tre pikë të vlefshme kundër Romës.

Me pikët e reja, Juventusi zë vendin e pestë në tabelë me gjithsej 38 pikë, gjashtë sosh larg kundërshtarit të sotëm Romës, që renditet në vendin e tetë me 32 pikë të tubuara.

Rezultati final i ndeshjes është 4:3 në favor të Juventusit.

Lexo edhe

Video