Italia ka shënuar të hënën ditën kombëtare kushtuar 'Poetit Suprem' dhe 'babait' të gjuhës italiane Dante Alighieri.

“Sot, me 25 Mars, ne festojmë DanteDì, një ditë kushtuar gjeniut fiorentin dhe babait të letërsisë sonë”, shkruan ministri i Jashtëm dhe zëvendëskryeministri Antonio Tajani në X.

“E festojmë në të gjithë botën me ngjarje kulturore dhe mbi të gjitha falë filmit të jashtëzakonshëm ‘Dante’ të Maestro Pupi Avatit”, shtoi ministri duke iu referuar eventeve të organizuara nga rrjeti global i instituteve kulturore italiane.

I lindur në Firence në vitin 1265, poeti, filozofi moral dhe mendimtari politik i njohur më së shumti për "Komedinë Hyjnore" të tij është një nga figurat kulturore më të dashura të Italisë jashtë vendit.

Për të shënuar ditën vjetore të vendosur zyrtarisht nga ministri i atëhershëm i kulturës Dario Franceschini në vitin 2020, Radio Vatikani të hënën lançoi një seri të re podkastesh duke përdorur materiale arkivore për të ofruar një lexim të plotë të udhëtimit epik të poetit nëpër Ferr, Purgator dhe Parajsë.

Episodet do të transmetohen çdo të mërkurë nga ora 18:30 deri në 19:00 dhe përsëri në orën 23:30. /ANSA/