Italia planifikon të reduktojë ngrohjen për dimër

Italia planifikon të reduktojë ngrohjen për dimër

Autoritetet italiane po planifikojnë të ulin ngrohjen në shtëpi dhe biznese në dimër për të reduktuar konsumin e gazit dhe rreziqet që lidhen me një ndërprerje të plotë të rrjedhës së gazit rus.

Para fillimit të konfliktit në Ukrainë, Italia importonte 40 për qind të gazit të saj nga Rusia, por shpejt u kthye në kërkimin e rrugëve alternative të furnizimit dhe vetëm në një masë më të vogël vazhdoi të mbështetej te Moska.

Sipas planit të qeverisë të publikuar të martën, temperatura në ndërtesat e banimit dhe të tjera publike do të kufizohet në 19 gradë Celsius, një shkallë më e ulët se më parë. Në ambientet industriale temperatura do të jetë 17 gradë Celsius, ndërsa ngrohja do të ndizet për një orë më pak çdo ditë.


Roma është në negociata me lobin industrial Confindustria, me të cilin planifikon të bien dakord për reduktime të mëtejshme të konsumit të gazit në baza vullnetare.

Italia shpreson se kufizime të tilla do të ulin konsumin e gazit me rreth 3.2 miliardë metra kub në periudhën nga gushti deri në mars.

Në të njëjtën kohë, autoritetet synojnë të reduktojnë konsumin me 2.1 miliardë metra kub shtesë duke përdorur burime alternative për prodhimin e energjisë elektrike dhe individët dhe kompanitë do të inkurajohen të reduktojnë konsumin, që do të thotë se kërkesa totale për energji mund të bjerë me 15 për qind, në përputhje me planet më të gjera të Bashkimit Evropian.

Që nga fillimi i shtatorit, Italia ka mbushur rezervuarët e saj të gazit në 83 për qind të kapacitetit për të ndërtuar furnizime përpara fillimit të muajve më të ftohtë, thuhet në dokument.

Lexo edhe

Video