Presidenti i FIGC, Gabriele Gravina e pranon se Italia është "pak e shqetësuar" për Nicolò Barellan përpara Kampionatit Evropian Euro 2024, ndërsa shefi i delegacionit Gigi Buffon thotë se mesfushori i Interit do t'i nënshtrohet testeve të tjera mjekësore së shpejti.

Presidenti i FIGC, Gravina, konfirmoi të premten, se Italia po brengoset për gjendjen fizike të Barellas përpara Euro 2024, raporton KosovaPress.

Ylli i Interit nuk mori pjesë në një miqësore ndërkombëtare kundër Turqisë të martën për shkak të një problemi të vogël muskulor, por fjalët e Gravinas sugjerojnë se lëndimi i Barella mund të jetë më i rëndë se sa mendohej fillimisht.

“Ne jemi pak të shqetësuar për Barellan,” tha Gravina gjatë ngjarjes “Il Sogno Azzurro – Festival della Serie A” në Parma të premten në mëngjes, siç citohet nga Gianluca Di Marzio.

Në të njëjtën ngjarje mori pjesë edhe Buffon i cili foli edhe për yllin e Interit dhe Italisë.

“Shpresoj se ai do të jetë si Gattuso në Kupën e Botës 2006”, tha ish-portieri.

“E humbi ndeshjen e parë, por më pas u bë protagonist dhe në fillim donin ta kthenin në shtëpi. Nicolò do t’i nënshtrohet testeve të mëtejshme këto ditë, por ai mund të jetë tashmë i gatshëm kundër Shqipërisë”, tha më tej Buffon.

“Azzurrit” do ta nisin kampanjën e tyre në Euro 2024 javën e ardhshme kundër Shqipërisë në “Signal Iduna Park” në Dortmund.

Barella shënoi dy gola dhe dha shtatë asistime në 48 paraqitje në të gjitha garat me Interin në sezonin 2023-2024. Ai fitoi Evropianin me Italinë tre vjet më parë dhe ka nëntë gola në 53 paraqitje me Azzurrit.