Ish-pjesëtari i Ushtrisë Çlirimtare të Kosovës, Ismet Bahtijari e ka pranuar fajësinë për akuzën për frikësim të dëshmitarit dhe pengim të drejtësisë. Kjo u bë përmes një marrëveshjeje për pranim të fajësisë që ai e arriti më Zyrën e Prokurorit të Specializuar.

Në seancën e së enjtes në Gjykatën Speciale në Hagë, ai është pajtuar për një dënim deri në dy vjet burgim.

Ismet Bahtijari u arrestua së bashku me Sabit Januzin më 5 tetor në Kosovë dhe u transferuan në Objektin e Paraburgimit të Dhomave të Specializuara të Kosovës më 6 tetor 2023.

Një marrëveshje të ngjashme e kanë arritur edhe Haxhi Shala dhe Sabit Jonuzi.

Ata akuzohen se kanë bashkëpunuar për të nxitur një dëshmitar të mos jap dëshmi para Dhomave të Specializuara në Hagë.

Në paraqitjen e tyre të parë më 9 tetor 2023 të dy të akuzuarit u deklaruan të pafajshëm në lidhje me të gjitha pikat e aktakuzës.

https://kosovapress.com/ismet-bahtijari-ben-marreveshje-per-pranimin-e-fajesise