Në konferencën parlamentare ndërkombëtare “E ardhmja e transportit” e organizuar nga Komisioni Parlamentar për Mjedis, u diskutua për rëndësinë e investimit në infrastrukturë për rritjen ekonomike dhe prosperitetit të një vendi. Derisa u potencua se Kosova nuk është larg kërcënimit të ndryshimeve klimatike, për çka u tha se po punohet në reduktimin e karbonit, për një mjedis sa më të gjelbër.

Ministri i Mjedisit dhe Infrastrukturës, Liburn Aliu tha se me përmirësimin e shërbimeve dhe infrastrukturës, mund krijohet më shumë mundësi për punë, si dhe tërheqje të më mëdha të investimeve.

Ndër të tjera, ministri i Infrastrukturës, Liburn Aliu theksoi se qeveria dëshiron që ta zhvillojë rrjetin e hekurudhave ‘për të përmirësuar sigurinë në rrugë’.

Ndërsa, kryetarja e komisionit parlamentar, Fitore Pacolli-Dalipi potencoi se po punohet intensivisht në reduktimin e karbonit për ta bërë Kosovën ‘një vend të qëndrueshëm për ballafaqimin me ndryshimet klimatike’.

Ndërkaq, drejtori i FES-it në Kosovë dhe Maqedoni të Veriut, Peter Hurrelbrink theksoi vështirësitë e transportit kur udhëton nga Sarajeva në Prishtinë, derisa tha se Prishtinë është një shembull i trafikut të ngarkuar.

Hurrelbrin shprehu dëshirën që të punohet në një transport publik me shumë hekurudha, që sipas tij ‘të kemi qytete që nuk janë aq të ngarkuara në trafik’. /Z.Zeneli/