Institucionet zotohen për zbatim të Ligjit kundër duhanit
Lexohet për: 2 min.
1 vit më parë
Linku u kopjua
Institucionet e Kosovës janë zotuar për zbatim të ligjit dhe ashpërsim të masave për parandalimin e pirjes së duhanit në hapësirat publike dhe të mbyllura, në shënimin e Ditës Botërore pa duhan.
Zëvendësministrja e Shëndetësisë, Dafina Gexha-Bunjaku ka thënë sot se në bazë të të dhënave, në Kosovë ka rënie të konsumimit të duhanit, por jo mjaftueshëm.
Ajo ka deklaruar se synimi i tyre është mbrojtja e shëndetit publik të qytetarëve nga duhan pirja, derisa ka përmendur edhe disa nga ndryshimet e mundshme të Ligjit kundër duhanit.
Ndërkaq, ministri i Bujqësisë, Faton Peci ka shprehur angazhimin e tij për respektimin e Ligjit për parandalimin e prijës së duhanit, teksa ka theksuar se deri tani janë bërë mbi 4000 mijë inspektime dhe janë shqiptuar rreth 500 gjoba.
Në anën tjetër, nikoqiri i takimit, drejtori Institutit Kombëtar të Shëndetit Publik të Kosovës, Naser Ramadani është shprehur se duhani është kërcënim për shëndetin publik në Kosovë, andaj duhet të ulët niveli i konsumimit të tij.
