Haradinaj-Stublla e nis detyrën me homazhe te “Heroinat”: E vërteta e Kosovës do të thuhet kudo në botë

Haradinaj-Stublla e nis detyrën me homazhe te “Heroinat”: E vërteta e Kosovës do të thuhet kudo në botë

Meliza Haradinaj-Stublla e Aleancës për Ardhmërinë e Kosovës ka nisur sot zyrtarisht punën si ministër i Punëve të Jashtme. Para se të shkojë në zyrë ajo është përkulur para memorialit “Heroinat” prej ku është zotuar se do kudo në botë do ta thotë të vërtetën e plotë të Kosovës.

Haradinaj-Stublla tha se drejtësia e përgjegjësia për plagët e hapura të popullit të Kosovës do të kërkohet pa ndalë.


“Jo rastësisht sot para se të marrë detyrën po e filloj me nderime të memoriali Heroinat, duke u zotuar këtu se e vërteta e plotë e Kosovës, kudo që të jem në bote do thuhet zëshëm. Dhe drejtësia e përgjegjësia për plagët tona ende të hapura do të kërkohet pa ndalë”, tha ajo.

Meliza Haradinaj-Stublla do të drejtojë ministrinë të cilën deri dje e udhëheqte Glauk Konjufca i Lëvizjës Vetëvendosje.

Ajo u vendos në këtë pozitë me marrëveshje politike në qeverinë Hoti, pas rrëzimit të qeverisë që udhëhiqej nga Albin Kurti./G.Kadrija

Lexo edhe

1 Comment

Comments are closed.

error: