Haradinaj-Kurtit: Ku ia ke qitë hesapin, ndalu se don me e marrë në qafë këtë vend

Haradinaj-Kurtit: Ku ia ke qitë hesapin, ndalu se don me e marrë në qafë këtë vend

Kryetari i AAK-së, Ramush Haradinaj, ka reaguar pas ngjarjeve të sotme në veri të vendit, ku është raportuar për shpërthime e të shtëna me armë zjarri.

Haradinaj ka potencuar se kryeministri Kurti po e nxjerrë Kosovën humbëse.

“Çka po të ngutet o Albin Kurti me krejt planet, punët e veprimet që po i bën, qoftë duke provuar zgjedhje fiktive në veri, qoftë duke emëruar ministra me urgjencë, qoftë duke kundërshtuar tabela… e gjithmonë duke u tërhequr si dje e si sot e duke e nxjerrë Kosovën humbëse! Ku ia ke qitë hesapin, a po don me çdo kusht me e rreziku veriun, apo je i padijshëm e s’po ka kush me të mësu! Ndalu se don me e marrë në qafë këtë vend e këtë popull!”, ka shkruar Haradinaj.


Ndryshe, dy shpërthime dhe të shtëna me armë zjarri janë dëgjuar pasditen e sotme në veri të vendit, ndërsa, lokacioni i saktë ende nuk dihet, as nëse ka pasur ndonjë të lënduar. Kjo besohet se ka të bëjë me tentativat e zyrtarëve të Komisionit Qendror Zgjedhor për të mbërritur te zyrat e KQZ në komunat veriore të vendit.

Burime të KosovaPress kanë bërë të ditur se në Zveçan është aktivizuar alarmi, ndërsa forca të shtuara të EULEX-it janë pranë urës së Ibrit.

Policia e Kosovës së bashku me zyrtarët komunalë të zgjedhjeve të katër komunave veriore, sot kanë shkuar në zyrat komunale. Kjo ka qenë e paralajmëruar në mbledhjen e së hënës të Komisionit Qendror të Zgjedhjeve, ku ishte bërë e ditur se ende nuk kanë pranuar plan operativ nga Policia e Kosovës.

Lexo edhe

Video