Haradinaj kundër shtrenjtimit të energjisë elektrike

Haradinaj kundër shtrenjtimit të energjisë elektrike

Kreu i Aleancës për Ardhmërinë e Kosovës, Ramush Haradinaj ka bërë të ditur se AAK ka thirrur debat parlamentar për ngritjen enorme të çmimeve të artikujve elementar.

Gjithashtu ai ka njoftuar se ZRRE ka ngritur një propozim për shtrenjtim të rrymës, ku mund të mbërrijë mbi 80 për qind, propozim që Haradinaj e ka kundërshtuar ashpër. 


Deklarata e plotë:

Aleanca ka thirrur debat parlamentar për ngritjen enorme të çmimeve të artikujve elementar për këtë të enjte. Ndërkohë veç paska rrjedhur një propozim i ZRRE për shtrenjtimin e rrymës që për konsumatorin mesatar familjar mund të mbërrijë mbi 80 për qind. Kjo është e papërballueshme. 

Prandaj i bëj thirrje Qeverisë, që në këtë periudhë kur inflacioni ka rritur çmimin e shportës së përditshme të qytetarëve, të ndajë buxhet për mbulimin e kostos shtesë nga çmimi i tanishëm i energjisë. Kjo s’duhet të mbetet në nivel diskutimi të papërcaktueshëm të qeverisë.

Lexo edhe

Video