Haradinaj kërkon votën e qytetarëve: Do të jemi me ju në kohë të vështira dhe të mira

Haradinaj kërkon votën e qytetarëve: Do të jemi me ju në kohë të vështira dhe të mira

Kryetari i Aleancës për Ardhmërinë e Kosovës, Ramush Haradinaj ka shpërndarë një video në Facebook ku ka kërkuar votën për AAK-në nga qytetarët e Kosovës.

Haradinaj ka thënë se AAK-ja ka vendosur të shkurtojë fushatën zgjedhore tradicionale për shkak të pandemisë në vetëm pesë ditë.

“Shëndeti është mbi të gjitha, meqenëse nuk do të kemi mundësi që të takohemi si herëve të tjera që të bashkëbisedojmë, që po ashtu të paraqesim programin tonë zgjedhor të Aleancës dhe njëkohësisht të prezantojmë kandidatët tonë edhe kandidatet për kryetar komune dhe për asamble komunale atëherë ju drejtohem në këtë mënyrë. Ju siguroj se programi i Aleancës për qeverisjen në komuna, që bazohet në qeverisje me qytetarin është programi i duhur për të kthyer jetën, zhvillimin ekonomik dhe normalitetin në komunat tona dhe në Kosovë. Ju siguroj se kandidatët për kryetarë nga Aleanca, kryetarët aktualë të komunave dhe kandidatët tjerë, janë njerëz me dinjitet, janë njerëz të zot, janë profesionistë të mirë që nga Ardian Gjini në Gjakovë, Daut Haradinaj në Prishtinë, Bali Muharremaj në Suharekë, Zenun Elezaj në Klinë, Smajl Latifi në Rahovec, Bashkim Ramosaj në Deçan, Besnik Tahiri në Podujevë, Bekë Berisha në Istog, Rrustem Berisha në Pejë, Agron Kuqi në Junik, Lulëzim Kabashi në Prizren, Faton Jakupi në Kamenicë, Arta Ahmeti Xhylani në Drenas, Nazim Gagica në Gjilan, Agron Gashi në Dragash, Hasan Ismajli në Fushë Kosovë, Xhelal Krasniqi në Obiliq, Arben Halili në Ferizaj, Mensut Ademi në Vushtrri, Kastriot Berisha në Malishevë dhe Bashkim Budakova në Lipjan, të gjithë këta janë njerëz të dinjitetshëm, profesionistë dhe të aftë të udhëheqin me komunat tuaja”, ka thënë Haradinaj.

Haradinaj ka siguruar se Aleanca është me qytetarët edhe në kohë të vështira edhe në kohë të mira, duke shtuar se Aleanca garon me numrin 121 dhe është shprehur se ndjehet i nderuar të kërkojë votën e qytetarëve.

Lexo edhe

Video