Kosova duhet ta mposhtë nesër Rumaninë në “Fadil Vokrri”, në mënyrë që të hakmerret ndaj tyre për humbjen e pësuar ndeshjen e kaluar të zhvilluar në Bukuresht.

Sulmuesi i Kombëtares së Kosovës Vedat Muriqi ka thënë se në stërvitjet e fundit është vërejtur një optimizëm dhe gatishmëri te lojtarët për ta nisur me fitore rrugëtimin në edicionin e ri të Ligës së Kombeve. 

Ai ka komentuar edhe incidentin e shtatorit të kaluar Kosovë-Rumani, duke thënë se futbolli duhet ta ketë rolin e bashkimit, pa marrë parasysh situatën politike mes dy vendeve.

Muriqi ka vlerësuar lart ardhjet e lojtarëve të rinj në sulm si Rrahmani e Asllani duke thënë se është i gatshëm të luajnë së bashku.