Hakerët sulmuan dhjetë faqe zyrtare në Itali të shtunën, duke përfshirë ato të Ministrisë së Jashtme dhe dy aeroporte në Milano, duke i çaktivizuar përkohësisht, tha agjencia italiane e sigurisë kibernetike.

Grupi pro-rus i hakerëve Noname057(16) mori përgjegjësinë, duke thënë në Telegram se "rusofobët" e Italisë morën një përgjigje të merituar kibernetike.

Një zëdhënës i agjencisë së sigurisë kibernetike të Italisë tha se ka të ngjarë që një sulm i ashtuquajtur "mohim i shpërndarë i shërbimit" (DDoS) mund të lidhet me një grup pro-rus.

Në sulme të tilla, hakerët përpiqen të vërshojnë rrjetin me sasi jashtëzakonisht të mëdha të trafikut të të dhënave në mënyrë që ta çaktivizojnë atë.

Zëdhënësi tha se agjencia ka ndihmuar shpejt institucionet dhe kompanitë e sulmuara dhe se efekti i sulmit është "zbutur" në më pak se dy orë.

Sulmi kibernetik nuk shkaktoi asnjë ndërprerje në fluturimet në aeroportet Linate dhe Malpensa të Milanos, tha një zëdhënës i kompanisë.

Ndërkohë që ueb sajtet ishin jashtë funksionit, aplikacionet mobile të aeroporteve vazhduan të funksionojnë.