Haaland thyen heshtjen: Do të luaj në Spanjë
Lexohet për: 2 min.
2 vite më parë
Linku u kopjua

Ylli i Borussia Dortmundit Erling Haaland ka thyer heshtjen mbi të ardhmen e tij, pasi që raportohet se iu ka thënë disa tifozëve që ai po planifikon të vazhdojë karrierën e tij në Spanjë.

21 vjeçari është njëri nga sulmuesit më të mirë në botë përgjatë tre sezoneve të fundit, ku ka regjistruar 76 gola në 74 ndeshje për Dortmundin, përcjell KosovaPress.

Ish-sulmuesi i RB Salzburgut, i cili përfundoi i 11-ti në ranglistën e fundit të Topit të Artë, ka një klauzolë lirimi prej 75 milionë eurosh në kontratën e tij me skuadrën gjermane.

Skuadra të shumta evropiane kanë shprehur interesim serioz në shërbimet e Haaland, ndër to edhe gjigandët anglez Chelsea, Manchester United, Manchester City e Liverpooli, por të gjitha këto do të jenë të dëshpëruara pasi që ylli norvegjez po planifikon kalimin në La Liga.

Sipas “AS”, Haaland ka folur me disa përkrahës të tij, duke iu thënë që “unë do të luaj këtu në Spanjë”, gjatë pushimeve të tij në Marbella me familjen e tij.

Ky do të jetë një lajm tejet i mirë për dy gjigandët e La Ligas Real Madrid dhe Barcelona, të cilat spekulohet se janë në garë për të siguruar transferimin e Haaland.

Së fundmi, agjenti i Haaland Mino Raiola ka bërë të ditur që klienti i tij ka blerë një shtëpi në Spanjë, dhe reprezentuesi i Norvegjisë në intervistat e tij të kaluara nuk e ka fshehur dëshirën e tij për futbollin spanjoll.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024