Kuvendi i Kosovës në seancën e sotme ka emëruar anëtarët e Bordit të kompanisë publike në KOSTT. Rejhane Zylfija, Gëzim Tosuni dhe Lumnije Zeka janë zgjedhur anëtarë të Bordit të ndërmarrjes publike Operatori i Sistemit të Transmisionit dhe Tregut. Ndërsa, kryesues me më së shumti vota nga deputetët e Kuvendit të Kosovës është zgjedhur Tosuni. KosovaPress ka mësuar nga burimet e saj se Lumnije Zeka është bashkëshortja e ministrit të Infrastrukturës, Liburn Aliu dhe Gëzim Tosuni, nipi i zëvendëskryeministrit Besnik Bislimi, të përzgjedhur sot si anëtarë të Bordit të Drejtorëve të KOSTT-it.

KosovaPress ka tentuar të kontaktoi zëvëndëskryeministrin Bislimi dhe ministrin Aliu, por nuk janë përgjigjur në telefon.

“Drejtorë të Bordit të Ndërmarrjes Publike Operatori i Sistemit, Transmisionit dhe Tregut, zgjedhën, Rejhane Zylfijaj, Gëzim Tosuni dhe Lumnije Zeka. Kurse, me 58 vota, si kryesues i Bordit të KOSTT-it zgjidhet Gëzim Tosuni”, tha Konjufca.