Goldman Sachs: Evropa do ta përballojë fundin e dimrit me një furnizim më të madh të gazit

Goldman Sachs: Evropa do ta përballojë fundin e dimrit me një furnizim më të madh të gazit

Për shkak të fillimit më të ngrohtë të dimrit, Evropa do të mirëpresë pranverën me një furnizim më të madh të gazit sesa pritej më parë. Ky do të jetë një lehtësim për Evropën, e cila po lufton me një krizë të paprecedentë energjetike, sipas një raporti të Goldman Sachs.

Supozohet se rezervat evropiane të gazit do të mbushen në pothuajse 30 për qind të kapacitetit të tyre në fund të marsit.

Më parë, supozohej se kjo përqindje do të ishte më e ulët, nga 21 për qind në 23 për qind, tha dje Goldman Sachs. Kjo do t’i mundësojë Evropës të rimbushë më lehtë stoqet për dimrin e ardhshëm gjatë verës, shtuan ata.


“Inventarët do të duhet të plotësohen këtë verë”, thuhet në analizë. “Do të jetë sfidë mbushja e tyre sërish në të paktën 90 për qind kapacitet, prandaj ulja e kërkesës do të jetë edhe më urgjente”, shtuan ata.

Goldman Sachs më parë vlerësoi se çmimi i gazit për megavat orë verën e ardhshme do të jetë 180 euro.

Sipas vlerësimeve të reja, kjo shumë është 55 euro më pak. Moti jashtëzakonisht i ngrohtë në Evropën Veriperëndimore, i cili zgjat që nga fundi i tetorit, ka ulur çmimet e karburanteve më shpejt se sa pritej, theksojnë ata.

Evropa është duke luftuar me mungesat e karburantit që kur Rusia ndërpreu rrjedhën e gazit përmes tubacioneve të gazit për shkak të mbështetjes evropiane për Ukrainën.

Lexo edhe

Video