Gjyqtari gjerman ‘nokautohet’ në fushë, zëvendësohet nga shikuesi në tribuna
Një skenë e pazakontë ndodhi sot në ndeshjen e Bundesligës mes Wolfsburgut dhe Këlnit, teksa njëri prej shikuesve ishte i angazhuar si gjyqtar i katërt nga minuta e 14-të.
Në minutën e 14-të të ndeshjes, në një nga ndërhyrjet, futbollisti i Këlnit, Max Finkgrafe, goditi fuqishëm topin, i cili goditi në kokë ndihmës gjyqtarin Torben Ziver. Asistenti nuk mundi të vazhdojë lojën, pasi mbeti i shtangur, kështu që u zëvendësua nga gjyqtari i katërt Nikolas Winter.
Duke qenë se ndeshja nuk mund të vazhdonte pa gjyqtarin e katërt, spikeri zyrtar mori një urdhër nga delegatët të dërgonte një telefonatë në sistemin e adresave publike në mënyrë që përfundimisht të gjente një arbitër të kualifikuar mes tifozëve.
Rolin e arbitrit të katërt e mori Tobias Krull, 32-vjeçari që ndodhej në tribunë, i cili përndryshe është portieri i MTV Gifhorn, që garon në kategorinë e gjashtë të garës. Ai ndërroi uniformën e zezë dhe qëndroi pranë vijës së lojës, ndërsa ndeshja mes Wolfsburgut dhe Këlnit përfundoi pa fitues 1:1.
