Gjilani do të bëhet me pishinë e me fusha tenis

Gjilani do të bëhet me pishinë e me fusha tenis

Ministrja e Kulturës, Rinisë dhe Sportit, Vlora Dumoshi, ka vizituar komunën e Gjilanit, ku është pritur nga kryetari Lutfi Haziri, me të cilin bashkëbiseduan për projektet dhe planet që do të realizohen në këtë regjion.

Ministrja Dumoshi tha se vitin e ardhshëm do të fillojë ndërtimi i pishinës gjysmë olimpike dhe dy fushave të tenisit.

“Jam e nderuar që jam në Gjilan, gjithashtu shprehi ngushëllime familjes Bllaca për tragjedinë. Është vizita ime e parë si ministre në Gjilan. Në aprovimin e buxhetit për këtë vit e njoftova kryetarin që do të ketë investime në rregullimin e stadiumit të kategorisë së katër ku mund të zhvillohen lojë miqësore. Ne kemi tifozë të shkëlqyer të Gjilanit dhe është mirë që lojërat e mëdha të luhen në gjithë Kosovën. E kemi në buxhet palestrën në Gjilan, do ta rregullojmë kulmin dhe nxehjen. Ne kemi paraparë që t’i ndërtojmë edhe dy fusha të tenisit në Gjilan. Ne do t’i zhvillojmë të gjitha sportet në Kosovë dhe gjithashtu unë kam pas dje një takim me ta, dhe flamuri Kosovës do të valojë me shumë sportistë dhe në komunën e Gjilanit për vitin e ardhshëm do të fillojmë me pishinën gjysmë olimpike, u shpreh ajo.


Haziri falënderoi ministren Dumoshi për vizitën dhe tha se është shumë me rëndësi që një ministre e kulturës po e viziton komunën e Gjilanit. Ai tha se teatri dhe stadiumi janë disa nga programet ku do të ketë bashkëpunim të madh.

“Jam i nderuar që menjëherë pas marrjes detyrës ministrja është në vizitë në Gjilan. Po ashtu e njoftova kalendarin kulturor dhe biseduam për projektet dhe programet tona e falënderoj për solidaritetin dhe shpresojmë ta mirëpres në Gjilan për ndihmesat e mëdha. Teatri dhe stadiumi janë disa nga programet ku do të bashkëpunojmë dhe ministrja ka me avanca këtë ministri”.

Më pas Haziri dhe Dumoshi kanë vizituar teatrin e qytetit, thuhet në njoftimin e MKRS-së.

Lexo edhe

error: