Bllokimi i pikave kufitare me Kosovën i paralajmëruar nga Serbia për zëvendëskryeministren e Kosovës, Donika Gërvalla po shihet si veprim provokues dhe destabilizues nga ana e shtetit serb.

Sipas ministres së Punëve të Jashtme dhe Diasporës, Donika Gërvalla  me këtë qasje të Serbisë është i vështirë vazhdimi i procesit të dialogut.

Gërvalla këto komente i bëri pas takimit që zhvilloi me ministrin e Punëve të Jashtme të Turqisë, Hakan Fidan i cili sot po qëndron për vizitë në Kosovë.

Sa i takon deklarimit të Emisarit të Bashkimit Evropian për dialogun Kosovë-Serbi, Miroslav Lajçak se Serbia ka tërhequr letrën nga Brukseli të deponuar nga ish-kryeministrja Ana Bërnabiq,  zëvendëskryeministrja e Kosovës, Donika Gërvalla konsideron se bëhet fjalë për ndonjë tërheqje të pjesshme.

Ajo theksoi nevojën që personat e ardhshëm që do ta drejtojnë dialogun Kosovë-Serbi duhet të kenë strategji konkrete për këtë proces.

E gjatë ditës së sotme në Kosovë ka qëndruar Emisari i Bashkimit Evropian për dialogun Kosovë-Serbi, Miroslav Lajçak i cili është takuar me kryenegociatorin e Kosovës, Besnik Bislimi, me të cilin pati një dakordim për takimin e radhës në Bruksel, por që nuk u dha ndonjë datë e caktuar.

Lajmi në sistemin me parapagim...