Cody Gakpo ka arritur në Angli për të përfunduar testet mjekësore te Liverpooli, në prag të transferimit te gjiganti anglez, raporton “Sky Sports”.
Liverpooli dhe PSV arritën marrëveshje për transferimin e Gakpos në merkaton dimërore, për një shumë prej 41 milionë eurosh, përcjell KosovaPress.
Jurgen Klopp ishte vendimtar për ta kompletuar transferimin e yllit holandez. Trajneri i Liverpoolit e dëshironte një sulmues krahu të ri për shkak të lëndimeve, dhe bordi vendosi që të vepronte shpejtë.
Gakpo do të nënshkruajë kontratën e tij me Liverpoolin deri në qershor të vitit 2028.
