Real Madrid dhe Manchester City përballen sonte në ora 21:00 në një duel të zjarrtë të fazës së 1/8-ës së finales në Ligën e Kampionëve, në stadiumin Santiago Bernabeu në Madrid. Ndeshja pritet të jetë një nga përballjet më spektakolare të sezonit evropian.

Real Madrid hyn në këtë sfidë me disa mungesa në skuadër për shkak të lëndimeve, ndërsa Manchester City vjen në formë të mirë dhe me rezultate pozitive në javët e fundit.

Kylian Mbappe dhe Jude Bellingham janë mes mungesave kryesore për madrilenët, gjë që mund të ndikojë në lojën sulmuese të ekipit. Nga ana tjetër, skuadra e drejtuar nga Pep Guardiola vjen me shumë besim, pasi ka fituar shumicën e ndeshjeve të fundit dhe synon të marrë një rezultat pozitiv në Madrid.

Formacionet zyrtare:

Real Madrid (4-4-2): Courtois T. (G) – Alexander-Arnold T., Rudiger A., Huijsen D., Mendy F. – Valverde F., Guler A., Tchouameni A., Pitarch – Diaz B., Vinicius Jr.

Manchester City (4-2-3-1): Donnarumma G. (G) – O'Reilly N., Guehi M., Dias R., Khusanov A. – Silva B., Rodri – Doku J., Semenyo A., Savinho – Haaland E.

KosovaPress