Fillon të dëgjohet dëshmitari i parë në gjykimin ndaj Gucatit dhe Haradinajt në Hagë

Në Dhomat e Specializuara në Hagë ka nisur dëgjimi i dëshmitarit të parë në gjykimin ndaj ish-krerëve të Organizatës së Veteranëve të Luftës së UÇK-së, Hysni Gucati e Nasim Haradinaj. Zenka Pumper është dëshmitarja e parë e Zyrës së Prokurorit të Specializuar dhe ajo është koordinatore e hetimit në këtë zyrë.

Zenka Pumper ka thënë se është pjesë e ZPS-së prej vitit 2016 dhe puna e saj është të intervistojë dëshmitarë, analizojë prova, të shkruar raporte dhe të përgatisë plane të punës.

“Kam qenë e përfshirë në një punë goxha të konsiderueshme lidhur me këtë çështje. Unë kam koordinuar kontrollin, kërkimin që ka ndodhur në OVL-UÇK dhe kam koordinuar kërkimin pra, kam përpunuar një pjesë të mirë të provave, kam raportuar kontrollin e kryer dhe kam rishikuar një pjesë të konsiderueshme të materialit, në veçanti ato materiale të cilat janë sekuestruar nga OVL-UÇK, të cilat përmenden në paketën 1,2 dhe 3 si dhe materialin i cili na është dorëzuar neve nga organi mediatik”, ka thënë ajo derisa  është përgjigjur pyetjeve të prokurores Valeria Bolici.


Në fillim të seancës, kryetari i trupit gjykues Charles L. Smith, III ka pyetur Gucatin dhe Haradinajn nëse dëshirojnë të bëjnë ndonjë deklaratë por ata nuk e kanë bërë një gjë të tillë derisa Gucati ka deklaruar se do të deklarohet në një seancë tjetër.

Gjykimi po vazhdon me paraqitjen e disa dokumenteve si prova nga ana e prokurorisë por që të njëjtat nuk bëhen të ditura për publikun.

Ish-krerët e OVL-UCK akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

Ata janë arrestuar më 25 shtator të vitit 2020 në Prishtinë prej kur edhe mbahen në qendrën e paraburgimit në Hagë. /G.Kadrija

Lexo edhe

Video

3 Comments

  • […] Fillon të dëgjohet dëshmitari i parë në gjykimin ndaj Gucatit dhe Haradinajt në Hagë ​Rasti Gucati-Haradinaj, dëshmitari i parë do të dëgjohet edhe nesër Pumper: Dëshmitarët ishin të frikësuar pas publikimit të dokumenteve Dëgjimi i dëshmitares së parë në Hagë po vazhdon me pyetjet e avokatit të Gucatit Vazhdon seanca gjyqësore ndaj ish-krerëve të OVL-UÇK Dëshmitarja: Kam qenë e përfshirë në punë të konsiderueshme në rastin OVL-UÇK Dëshmitarja flet për përmbajtjen e pakos së parë me dokumente të sekuestruara nga OVL-UÇK Dëshmitarja: “Paketa 3” përmbante emra të dëshmitarëve të mbrojtur Përfundon seanca në Hagë, dëshmitarja e parë e ZPS-së do të dëgjohet edhe nesër […]

  • […] të dokumenteve ​Rasti Gucati-Haradinaj, dëshmitari i parë do të dëgjohet edhe nesër Fillon të dëgjohet dëshmitari i parë në gjykimin ndaj Gucatit dhe Haradinajt në Hagë Avokati i Gucatit lexon transkriptin e intervistës së ZPS-së me personin që i ishte parë […]

  • […] Halil Berisha përfundon dëshminë në Hagë, ish-krerët e OVL-UÇK mbesin në paraburgim Fillon të dëgjohet dëshmitari i parë në gjykimin ndaj Gucatit dhe Haradinajt në Hagë ​Rasti Gucati-Haradinaj, dëshmitari i parë do të dëgjohet edhe nesër Hetuesja në rastin […]

Komentet janë të mbyllura.