Fillon projekti ambicioz “Qyteti i mençur” për Prishtinën
Intervista
Lexohet për: 1 min.
1 muaj më parë
Linku u kopjua
Komuna e Prishtinës në bashkëpunim me ndërmarrjen publike “Prishtina Parking” kanë vendosur të ndryshojnë infrastrukturën e kryeqytetit me projektin “Qyteti i mençur”.
Pjesë e këtij projekti janë vendosja e sensorëve të parkingjeve, shtyllave “të mençura”, të cilat do të japin informacione për trafikun, vendosjen e biçikletave dhe stacioneve.
Kryeshefi i Prishtina Parking, Sokol Havolli thotë për KosovaPress se me këtë do të reduktohen edhe ndotësit e ambientit dhe trafiku, si dhe do të ofrohen alternativa të reja për transport.
Havolli thotë se me implementimin e sensorëve dhe shenjave digjitale, qytetarët do ta kenë më të lehtë gjetjen e parkingjeve të lira.