FFK: Vdekja e Leonit humbje e rëndë për futbollin tonë
Sport
Lexohet për: 2 min.
1 vit më parë
Linku u kopjua
Federata e Futbollit të Kosovës ka reaguar pas lajmit për vdekjen e talentit të futbollit Leon Syla në moshën 15 vjeçare.
Lajmi u dha të mërkurën nga klubi i futbollit “2 Korriku” dhe FFK sot i ka dërguar një telegram ngushëllimi familjes së tij duke e konsideruar si lajm tejet të dhimbshëm dhe humbje të madhe për futbollin kosovar.
“Ikja e tij e hershme nga kjo botë preku zemrat e gjithsecilit në komunitetin e futbollit. Leoni ishte shembull i vërtetë luftaraku, jo vetëm në fushën e futbollit, por edhe në betejën e tij me sëmundjen e rëndë.”, thuhet ndër të tjera në reagimin e FFK-së.
Me pikëllim të madh e morëm lajmin për ndarjen e hershme nga jeta të më të dashurit tuaj, futbollistit të FC 2 Korriku, Leon Syla.
Nuk ka fjalë të mjaftueshme për të shprehur dhimbjen tonë për humbjen e një djaloshi të ri dhe të talentuar sikur Leoni.
Ikja e tij e hershme nga kjo botë preku zemrat e gjithsecilit në komunitetin e futbollit. Leoni ishte shembull i vërtetë luftaraku, jo vetëm në fushën e futbollit, por edhe në betejën e tij me sëmundjen e rëndë.
Sot të gjithë jemi me lot në sy dhe dhimbje në zemër, por shpresojmë që kujtimet e bukura dhe sukseset e Leonit do të jenë burim ngushëllimi dhe force për Ju për ta përballuar dhimbjen e madhe.
Në emër të Federatës së Futbollit të Kosovës dhe tërë komunitetit të futbollit ju dërgojmë ngushëllimet tona më të thella dhe të sinqerta për humbjen e më të dashurit tuaj.
