Të dielën policia e stacionit në Ferizaj në rrugën “Bajram e Gursel Sylejmani”, ka arrestuar dy persona të cilët kanë i kanë shkaktuar lëndime trupore një personi tjetër shkaku i parkingut.

“Policët e rendit menjëherë janë nisur në atë drejtim dhe kanë hasur në përsonin që ishte sulmuar nga dy persona tjerë, të cilët shkak i një parkingu të veturës, i kishin shkaktuar lëndime trupore dhe i kishin dëmtuar gomat e veturës”, thuhet në njoftimin e policisë.

Sipas policisë të dyshuari janë një 75 vjecar dhe tjetri 48 vjecar.

“XH.H ( M/K) i moshës 75 vjeçar dhe SH.H ( M/K) i moshës 48 vjeçar janë shoqëruar në stacionin e policisë në Ferizaj dhe pas intervistimit nga hetuesit policorë, me vendim të prokurorit të shtetit  janë ndaluar në mbajtje për 48 orë, për procedura tjera hetimore, ndërsa si provë materiale është sekuestruar edhe një kaçavidë, me të cilën dyshohet se është përdorur në këtë ngjarje”, thuhet në njoftim.

Rasti sipas policisë është cilësuar “Lëndim i lehtë trupor”.