Eurodeputeti Waitz dënon sulmet në veri: Rezultat i politikave etno-nacionaliste të Vuçiqit
Lajme
Lexohet për: 3 min.
9 muaj më parë
Linku u kopjua

Eurodeputeti Thomas Waitz i ka quajtur krejtësisht të papranueshme sulmet e djeshme kundër gazetarëve dhe ushtarëve të KFOR-it nga protestuesit serbë. Sipas tij, këto janë rezultat i politikave ento-nacionaliste të Aleksandër Vuçiqit.

Waitz theksoi se kriza aktuale në veri të Kosovës mund të shpërqendrojë nga problemet e Vuçiqit në vend, porse ka thënë se nga kjo nuk do të përfitojë as Serbia dhe as Kosova në planin afatgjatë. Prandaj, ai bëri thirrje për depërshkallëzim të menjëhershëm të situatës.

“Sulmet e djeshme kundër gazetarëve dhe @NATO_KFOR-it nga serbët etnikë në veri të Kosovës janë krejtësisht të papranueshme. Përshkallëzimi duhet të përfundojë menjëherë. Ne kemi nevojë për paqe dhe zgjidhje politike për krizën në veri të Kosovës. BE-ja do të vazhdojë të mbështesë Dialogun Beograd/Prishtinë”, ka shkruar ai.

https://kosovapress.com/admin/%e2%80%8bpolicia-e-kosoves-per-veriun-situate-e-brishte-por-e-qete/

Eurodeputeti  ka apeluar edhe Partinë Popullore Evropiane (EPP) që t’i japë fund bashkëpunimit me Vuçiqin. Derisa bën të ditur se BE tashmë po diskuton një ngrirje të bisedimeve të pranimit me Serbinë.

“Këto përshkallëzime janë rezultat i politikave etno-nacionaliste të Aleksandër Vuçiqit dhe retorikës përçarëse. Edhe ushtarët e KFOR-it dhe gazetarët  janë bërë objektiv i kësaj gatishmërie për dhunë. I dënoj sulmet me termat më të fortë. Partia Popullore Evropiane (EPP) duhet t’i japë fund urgjentisht bashkëpunimit me Aleksandar Vuçiqin, kundër të cilit në Serbi po zhvillohen protesta masive. BE tashmë po diskuton një ngrirje të bisedimeve të pranimit me Serbinë”, ka thënë ai.

https://kosovapress.com/admin/kompania-izraelite-grupi-wagner-eshte-nisur-ne-kosove/

Që nga e premtja, serbët në veri të Kosovës janë duke protestuar kundër kryetarëve të rinj të dalë nga zgjedhjet e 23 prillit.

Dje (e hënë), protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve. Ata kanë hedhur gjësende të ndryshme në drejtim të paqeruajtësve, derisa kanë dëmtuar vetura të mediave, duke e djegur tërësisht veturën e një televizioni.

https://kosovapress.com/admin/osmani-takon-fries-bandat-e-vuciqit-duan-destabilizim-te-denohen-veprimet-e-tyre/

Si pasojë e protestave të dhunshme një ditë më parë, u plagosën 30 ushtarë të KFOR-it.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024