Presidenti i Turqisë, Recep Tayyip Erdogan, ka biseduar me kryeministrin Albin Kurti, të cilit i ka thënë se avancimi i dialogut Kosovë-Serbi është e vetmja rrugë për të vendosur paqen dhe stabilitetin në rajon.
Lidhur me këtë ka njoftuar Presidenca turke, sipas së cilës, Erdogan ka zhvilluar bisedë telefonike edhe me homologun e tij serb, Aleksandar Vuçiq.
Sipas njoftimit, është diskutuar për zhvillimet në veri të Kosovës, ndërsa Erdogan ka theksuar se Turqia është e gatshme të kontribuojë, me atë që i takon, në procesin e dialogut.
