Edhe FFK lëshon sqarim në lidhje me incidentin e raportuar brenda këtij institucioni

Edhe FFK lëshon sqarim në lidhje me incidentin e raportuar brenda këtij institucioni

Federata e Futbollit të Kosovës ka reaguar përmes një sqarimi të lëshuar në faqen zyrtare në lidhje me incidentin e raportuar se ka ndodhur sot brenda ambienteve të federatës.

Në media u raportua se Ademi ka pasur përplasje fizike me Artan Govorin, punëtorin e FFK-së, por kjo është mohuar nga ky institucion, përcjellë KosovaPress.


“Federata e Futbollit e Kosovës sqaron opinionin lidhur me raportimet e mediave për kinse sulm fizik të presidentit Agim Ademi ndaj njërit prej punëtorëve të administratës, Artan Govori brenda selisë së FFK-së. FFK edhe njëherë shpreh indinjatën e saj dhe detyrohet të përgënjeshtrojë raportimet e tilla të pavërteta. Në selinë e FFK-së nuk ka ndodhur kurrfarë sulmi fizik, siç raportohet në media, por thjesht ka qenë një debat i zakonshëm për natyrat e punës brenda federatës”, thuhet në sqarimin e federatës.

“Janë stafi i FFK-së dhe dëshmitarë tjerë, të cilët kanë qenë të pranishëm në momentet kur aludohet se ka pasur sulm fizik, e që në fakt ka qenë vetëm një debat. Raportimet e tilla janë në vazhdën e inskenimeve, presioneve e shantazheve që po bëhen nga persona që nuk kanë aspak të bëjnë me futbollin dhe që synojnë që nëpërmjet formave të tilla të vijnë deri te kapja e këtij institucioni. Sidoqoftë, FFK si institucion kredibil do të vazhdojë rrugëtimin e saj përkundër presioneve të tilla, me qëllimin e vetëm për progres të futbollit kosovar dhe që t’i mbajë larg këtij institucioni dhe larg futbollit njerëzit e grupeve të interesit”, bënë të ditur FFK.

Kuvendi Zgjedhor për zgjedhjen e kryetarit të ri të FFK-së do të mbahet më 6 prill.

Lexo edhe

Video