Edhe 20 kontejnerë tjerë me kimikate të rrezikshme janë në Bejrut, njëri po rrjedh

Edhe 20 kontejnerë tjerë me kimikate të rrezikshme janë në Bejrut, njëri po  rrjedh

Ekspertët kimikë dhe zjarrfikësit po punojnë për të siguruar të paktën 20 kontejnerë më të rrezikshëm potencialisht me kimikate në portin e shkatërruar të Bejrutit.

Një anëtar i ekipit francez zbuloi se njëri prej kontejnerëve po rrjedh.

Disa kontejnerë shpërthyen më 4 gusht, tha toger Anthony, një ekspert francez kimik që nuk ka autoritetin të thotë emrin e tij të plotë në përputhje me politikën e qeverisë.

Ekspertët kimikë francezë dhe italianë deri më tani kanë identifikuar më shumë se 20 kontejnerë me kimikate të rrezikshme, tha Anthony.

“Ne kemi vërejtur kontejnerë me një etiketë të rrezikut kimik dhe më pas kemi parë njërën prej rrjedhjeve të kontejnerëve,” shpjegoi ai për Associated Press.

Ekspertët janë duke punuar me zjarrfikësit libanezë për të siguruar të gjitha kontejnerët dhe për të analizuar përmbajtjen e tyre.


Anthony nuk tha se cilat ishin kimikatet dhe nuk dha më shumë detaje.

Zyrtarët libanezë nuk kanë komentuar mbi rreziqet e mundshme kimike në port.

“Ekzistojnë gjithashtu lëngje të tjera të ndezshme në kontejnerë të tjerë. Ka bateri dhe lloje të tjera të produkteve që mund të rrisin rrezikun e një shpërthimi të mundshëm”, tha Anthony.

Një shpërthim të martën e kaluar vrau të paktën 160 njerëz dhe plagosi rreth 6.000.

Shpërthimi besohet të jetë shkaktuar nga një zjarr që shpërtheu rezervat e pasigurta të 2,750 nitrat amoniumi që kanë qëndruar në port që nga viti 2013, pavarësisht paralajmërimeve të shumta për rrezikun.

Ekspertët kimikë janë pjesë e një ekipi francez që arritën në Liban për të ndihmuar në kërkimin e kufomave të të vdekurve, të kujdesen për të plagosurit dhe të pastrojnë qytetin pas shpërthimit.

Përveç kësaj, 50 oficerë policie francezë janë gjithashtu në Bejrut për të përcaktuar se çfarë ndodhi.

Lexo edhe

Video