Edoardo Bove humbi ndjenjat në fushë të dielën e kaluar, në minutën e 17-të të pjesës së parë Fiorentina-Inter.

Mjekët e repartit Utic të Careggit, ku mesfushori 22-vjeçar ndodhet prej tre ditësh pasi u shtrua në terapi intensive në urgjencë, duan të kuptojnë shkaqet e aritmisë që rrezikon jetën e lojtarit.

Nga ajo që rezulton nga qarqet pranë Bove dhe vetë klubit Viola, për momentin asgjë nuk është vendosur për implantimin e mundshëm të një defibrilatori, sikurse në rastin e futbollistit danez Eriksen në vitin 2021, kur ai u godit nga një atak në zemër gjatë Kampionatit Evropian.

Mund të ndiqen edhe rrugë të tjera, sigurisht që testet synojnë të qartësojnë dhe përcaktojnë tablonë klinike, duke përfshirë çdo situatë të mëparshme dhe shkaktarë të mundshëm që lidhen me çështje të lindura apo gjenetike.

Pas kësaj, padyshim në marrëveshje me vetë lojtarin, i cili mbërriti në Firence në fund të gushtit si huazim nga Roma, do të merret një vendim se si do të vazhdohet - në këtë drejtim, java e ardhshme mund të jetë e rëndësishme.

Edhe nëse të gjithë janë dakord që në raste të tilla duhet kohë, durim dhe maturi, e mbi të gjitha ekzaminime, analiza dhe analiza të vazhdueshme, përfshirë ato ADN. /ANSA