Më datë 29.01.2025, rreth orës 20:45, policia e stacionit në Shtime ka pranuar një informacion mbi një rast të dyshuar rrëmbimi në rrugën magjistrale Ferizaj – Shtime.

Njësitet policore të rendit dhe hetuesit kanë reaguar menjëherë duke shkuar në vendin e ngjarjes.  Fillimisht, dyshohej se persona të panjohur kishin rrëmbyer një qytetar dhe e kishin dërguar në Jezerc - Ferizaj. Për këtë arsye, rasti ishte cilësuar si “privim i kundërligjshëm i lirisë”.

Gjatë hetimeve dhe sigurimit të provave të mjaftueshme, hetuesit policorë kanë arritur të zbulojnë se deklarimet për rastin nuk ishin të vërteta. Për pasojë, sot  janë shoqëruar dy persona të dyshuar se kanë inskenuar rastin H.L. (21) dhe E.S. (24).

Pas intervistimit nga hetuesit policorë, me vendim të prokurorit, rasti është ri-kualifikuar si “Lajmërim apo kallëzim i rremë”. Hetimet për rastin do të vazhdojnë në koordinim me organet e drejtësisë.