Benjamin Agyare vishet bardhë e kaltër.
Skuadra e Dritës ka njoftuar se ka rikthyer në klub mbrojtësin ganez, Benjamin Agyare, të cilin e kishte transferuar gjatë verës së vitit të kaluar, raporton KosovaPress.
Pasi nënshkroi kontratën si lojtar i Dritës në vitin e kaluar, Agyare u huazua te skuadra e Drenicës, tek e cila qëndroi katër muaj dhe debutoi në Superligën e Kosovës.
Agyare ka arritur të bëjë 13 paraqitje në fanellën e Drenicës, ndërsa tani i bashkohet Dritës, ku edhe do të filloj përgatitjet me ekipin për stinorin pranveror.
Agyare në të kaluarën ishte pjesë e kampionatit shqiptar, respektivisht e skuadrës së Apolonis së Fierit.
