Dirigjenti kryesor i Orkestrës Filharmonike të Kosovës, Toshio Yanagisawa mori çmimin e lavdërimit. Në ceremoninë e ndarjes së këtij çmimi kanë marrë pjesë ministri i Kulturës, Rinisë dhe Sportit, Hajrulla Çeku e kryetari i Prishtinës, Përparim Rama. Yanagisaëa ka shërbyer si dirigjent permanent i orkestrës duke dirigjuar shumë programe të Kosovës, si dhe në disa paraqitje të orkestrës në disa vende të Evropës.

Lavdërimet e ministrit të Jashtëm janë çmim zyrtar i Qeverisë Japoneze për individët dhe grupet për arritjet e tyre të shquara në fushat ndërkombëtare në mënyrë që të njihet kontributi i tyre në nxitjen e miqësisë midis Japonisë dhe vendeve tjera.

Ambasadori i Japonisë në Kosovë, Ryuta Mizuuchi tha se vizita e tij synon festimin e 15 viteve të marrëdhënieve diplomatike ndërmjet Japonisë dhe Kosovës.

Toshio Yanagisawa mori postin e dirigjentit kryesor të Orkestrës Filharmonike të Kosovës në vitin 2007. Ai kujtoi 17 vitet si dirigjent në Orkestrën e Filharmonisë së Kosovës.

Orkestra e Filharmonisë në Kosovë sot shënon 24-vjetorin e themelimit. Në hapje të sezonit 2024-2025, Filharmonia sonte do të mbajë koncertin me një program ambicioz.