Diplomojnë 15 kadetë të FSK-së

Diplomojnë 15 kadetë të FSK-së

Në kazermën “Adem Jashari”, në Prishtinë, është mbajtur ceremonia e diplomimit të 15 kadetëve të FSK-së, gjenerata 2020. Nga 1000 kadetë, sot kanë diplomuar 15 prej tyre, ku nga ta është edhe një oficere e ardhshme nga Shqipëria.

Komandant gjenerallejtënant, Rrahman Rama kërkoi nga oficerët e ri të ruajnë kodin dhe nderin e Ushtrisë së Kosovës.

“Keni për obligim që tani ta ruani dhe të kultivoni shpirtin ushtarak. Misioni juaj ishte të bëheni udhëheqës parimor, tani ju keni dije, por kërkoj nga ju të keni kodin dhe nderin si themele të ushtrisë. Misioni ynë është që të zhvillohemi në standarde të NATO-s. Ne kemi avancuar në akreditimin e programeve të qendrës për studimeve universitare”, u shpreh Rama.

Ai tha se familjarët e oficerëve të ri duhet të jenë krenarë për 15 të diplomuarit.


Në fjalën e tij, ministri i Mbrojtjes, Anton Quni tha se kadetët e diplomuar sot, për katër vite janë përballur me stërvitje të vështira dhe kushte klimatike të rënda.

“Unë ju besoj juve, që do të jeni afër çdo qytetari që kanë nevojë për juve, në rast të fatkeqësive dhe epidemia, pa asnjë paragjykim. Unë besoj që ju qe edhe më shumë do të forconi urat me ShBA-të, Gjermaninë, Kroacinë, Britaninë e madhe dhe shumë partnerë të tjerë. Krenohem me ju dhe gjithë Forcën e Sigurisë së Kosovës”, ka thënë Quni para familjarëve dhe oficerët e ardhshëm.

Gjeneral brigade, komandantja e Komandës së Doktrinës dhe Stërvitjes, Irfete Spahiu tha se kjo ngjarje është më e rëndësishmja në kalendarin e KDS-së.

Spahiu tha se të jesh kadetë nuk është e lehtë, por që kërkoi që të jenë gjithmonë në shërbim të vendit.

Spahiu tha se 15 kadetë të diplomuar do të jenë pjesë e tranzicionit të Forcës së Sigurisë së Kosovës. Nga gjithë këta kërkoi që të jenë shembull ushtarak.

Lexo edhe

error: