Dhunohet 13-vjeçarja, viktima është 8 muajshe shtatzënë

Dhunohet 13-vjeçarja, viktima është 8 muajshe shtatzënë

Një 13-vjeçare po dyshohet se është dhunuar seksualisht nga një 20-vjeçar në qytetin e Vitisë. Rasti ka ndodhur në shkurt të këtij viti, por është raportuar në shtator, kur viktima është 8 muajshe shtatzënë. Rrëfen babai i të miturës.

“Jam frikësuar tha prej meje, domethënë prej prindit. Jam frikësuar me tregu, kam mendu se hajt kurgjo nuk është”.

Kështu nis rrëfimi i një ngjarjeje tepër të rëndë që ka goditur një familje në shkurt të këtij viti në qytetin e Vitisë.

Vajza e vogël e familjes, 13-vjeçare atëherë, e tash 14, është dhunuar seksualisht nga një person rreth të 20-tave.

Por ky rast i rëndë në stacionin policor ka arritur, tek para tre ditësh.

Se rasti është denoncuar më 20 shtator e konfirmojnë edhe burime nga Policia, të cilët thonë se me rastin po merret prokurori për të mitur.

Krejt kjo ka ndodhur kur në pah ka dalur një fakt që e rëndon edhe më shumë ngjarjen, vajza e mitur tashmë është 8 muajshe shtatzënë.

Babai i saj ka hapur dyert e shtëpisë për Televizionin Dukagjini, ku edhe jeton e mitura, për të sjellur nga afër rrëfimin e tyre.

Babai i viktimës ka thënë se “Rasti ka ndodhë para 7-8 muajsh përafërsisht, nuk e ka vërejt askush prej shtëpisë se vajza e re, nuk ka pas simptoma të shtatzanisë, e ka vërejtur vajza e tretë, e kemi dërgu te mjeku ka dalur se është shtatzënë, me rastin është marrë policia, dihet personi kush është, por faktkisht ai është jashtë. “

Detajet, thotë se i dinë vetëm organet e rendit pasi informacione vetë nuk kanë mundur të nxjerrin për shkak të gjendjes psikologjike të vajzës.

“Këto i dinë policia, na nuk kemi kurrfarë informacioni, as që i kemi bo pyetje çikës, se çika e re, pe ngarkojmë, mundemi me deviju edhe ma keq”, tha babai i 13-vjeçares.


Përderisa tashmë është vonë për një abort, babai i vajzës nën emocione tregon se çfarë do të ndodhë me fëmijën që pritet ta sjellë në jetë vajza e tij.

“Unë i dalë në krahë vajzës time, nuk e lë vajzën time në baltë, sa për fëmijën, nëse nuk e merr ai, e marrim ne, edhe pse është fëmija i dhunuesit. Por, fëmija është i pafajshëm”, u shpreh babai i 13-vjeçares.

Meqë qyteti i tyre nuk është i madh, babai tregon se ka gjetur shtëpinë e tashmë të dyshuarit dhe është përballur me babain e tij, të cilit ia ka dhënë një mesazh.

“Kur ta zbardhë drejtësia këtë rast, që djaIi yt është dhunuesi, ke me pas punë me drejtësi, por edhe me kanun”.

Babai i viktimës që është edhe veteran i UÇK-së, thotë se nuk ka besuar që pas luftës do të përballet me një situatë të tillë.

“Për këtë shtet, kam luftuar, për këtë shtet e kam rrokë armën, për këta fëmijë që me pas një të ardhme pak më të mirë.”

Nga prokuroria themelore në Gjilan nuk kanë kthyer përgjigje gjatë ditës, por me Televizionin ka folur drejtori i Qendrës për Punë Sociale në Viti, Demush Mehmeti.

Ai ka thënë se rasti është cilësuar si keqpërdorim seksual, teksa thotë se me vajzën do të merret qendra edhe pse ndryshe ka pohuar babai i viktimës, kur potencoi se që nga marrja në pyetje asnjë psikolog as punëtore sociale nuk e ka takuar më vajzën.

Lidhja telefonike me drejtorin e Qendrës për Punë Sociale në Viti, Demush Mehmeti

Demush Mehmeti nga Qendra për Punë Sociale në Viti në një lidhje telefonike ka thënë se

“Na kanë njoftuar prej shtëpisë së shëndetit, edhe policia dhe kemi qenë prezent për intervistimin e saj, është nën moshën 18 vjeçare, ka mbet shtatzënë, e ka paraqitë një emër, I cili është jashtë. Qendra Sociale tash e përcjellë rastin varësisht pala çfarë ndihme kërkon”.

Ndërkohë, policia u ka thënë familjarëve të viktimës se shteti i Kosovës do të komunikojë me organet e rendit në shtetin e Zvicrës, ku pretendohet se ilegalisht po qëndron i dyshuari./Tv Dukagjini/

Lexo edhe

Video