Dëmtimi i veturave në veri, reagon ambasadori i BE-së
Lajme
Lexohet për: 2 min.
9 muaj më parë
Linku u kopjua

Ambasadori i Bashkimit Evropian në Kosovë, Tomas Szunyog, e ka dënuar dëmtimin e veturave të ekipeve të mediave të cilat po raportojnë prej veriut të vendit.

Ai ka thënë se gazetarët duhet të lejohen të kryejnë punën e tyre pa frikë për sigurinë e tyre, përkundër situatës së tensionuar.

https://twitter.com/EUAmbKS/status/1663180263378104324

“Bashkimi Evropian dënon dëmtimin e sotëm të makinave që i përkasin KallxoLive dhe RTV Dukagjini. Edhe pse situata e sigurisë në veri është e tensionuar dhe e vështirë, gazetarët duhet të lejohen të kryejnë punën e tyre pa frikë për sigurinë e tyre”, ka shkruar ai.

https://kosovapress.com/admin/provokojne-serbet-shfaqen-simbole-ruse-ne-veturat-e-pk-se-dhe-te-kfor-it-ne-veri/

Gjatë ditës është raportuar për dëmtimin e disa veturave të mediave të cilat po raportojnë nga veriu i vendit. Njërës prej tyre i është vënë zjarri.

Disa serbë në Zveçan, Zubin Potok dhe Leposaviq, po protestojnë duke kundërshtuar hyrjen e kryetarëve të rinj shqiptarë në objektet komunale.

https://kosovapress.com/admin/njerez-te-maskuar-ne-protestat-ne-veri-octopus-mund-te-kete-te-gatshem-per-akte-terroriste/

Situata në këto komuna është tensionuar të premten e 26 majit kur kryetarët e betuar u detyruan të futën në zyrat e tyre të punës nën asistencën e Policisë së Kosovës.

Pesë policë mbetën të lënduar ndërsa katër vetura u dëmtuan, si pasojë veprimeve të protestuesve.

https://kosovapress.com/admin/kfor-shperndan-protestuesit-ne-zvecan-digjet-nje-automjet/

Kryetarët shqiptarë kanë dalë nga zgjedhjet e 23 prillit në katër komunat veriore të vendit, zgjedhje këto të cilat janë bojkotuar nga partia më e madhe e serbëve në Kosovë, Lisa Serbe, me përkrahjen e Beogradit zyrtar.

https://kosovapress.com/admin/protestues-serbe-prane-komunave-ne-zvecan-leposaviq-dhe-zubim-potok/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024