Delta është dominuese në Evropë, është e rëndësishme të bëhet një rivaksinim

Delta është dominuese në Evropë, është e rëndësishme të bëhet një rivaksinim

Agjencia Evropiane e Barnave (EMA) dhe Qendra Evropiane për Parandalimin dhe Kontrollin e Sëmundjeve (ECDC) vlerësojnë në raportin e tyre të fundit se lloji Delta i virusit do të përfaqësojë 90% të të gjithë virusit SARS-CoV-2 që qarkullon në BE deri në fund të gushtit.

Dy qendrat më të rëndësishme mjekësore në BE paralajmërojnë se lloji Delta po përhapet me shpejtësi në Evropë dhe se mund të pengojë përpjekjet që synojnë kontrollimin e pandemisë.

Shtohet se ky lloj është 40 deri 60 për qind më i lëvizshëm se versioni i mëparshëm i Alpha dhe se mund të shoqërohet me një rrezik më të lartë të shtrimit në spital.

EMA dhe ECDC theksojnë se vaksinimi i plotë është akoma më efektivi në mbrojtjen kundër COVID-19, pavarësisht nga lloji i virusit.


Provat paraprake sugjerojnë se të dyja dozat e vaksinës kundërCOVID-19 janë të nevojshme për të siguruar mbrojtjen e duhur kundër variantit Delta.

Punonjësit e kujdesit shëndetësor inkurajohen veçanërisht të vaksinohen për të mbrojtur veten, familjet e tyre dhe ata me të cilët punojnë dhe kujdesen.

Kur bëhet fjalë për të ashtuquajturën “përzierja e vaksinave”, ku përdoret një dozë e ndryshme për dozën e dytë krahasuar me të parën, EMA dhe ECDC thonë se nuk kanë ende rekomandime përfundimtare, por që ekzistojnë baza të mira shkencore që kjo strategji të jetë e sigurt dhe efektive në vaksinimin kundër COVID-19.

Në të njëjtën kohë, vihet re se aktualisht është “shumë herët për të thënë nëse dhe kur do të nevojitet një dozë shtesë e vaksinës kundërCOVID-19” dhe se informacioni është ende duke u punuar se sa zgjat mbrojtja nga vaksinat, gjithashtu duke marrë merr parasysh përhapjen e varianteve.

EMA dhe ECDC u bëjnë thirrje qytetarëve të vazhdojnë t’i përmbahen masave të tilla si mbajtja e maskave dhe distanca shoqërore, dhe vërejnë se kjo do të jetë e rëndësishme derisa shumica e popullsisë të vaksinohet.

Lexo edhe

Video