Çmimi “Ylli i javës” në Superligë i takon portierit të Gjilanit

Çmimi “Ylli i javës” në Superligë i takon portierit të Gjilanit

Portieri i Gjilanit Enea Koliqi është shpallur “Ylli i javës” nga Federata e Futbollit të Kosovës për xhiron e 17-të në Superligën e Kosovës.

Koliqi ishte më i merituari që skuadra e tij realizoi fitore shumë të rëndësishme si mysafire kundër Llapit me rezultat 1:0, përcjellë KosovaPress.


Ai gjatë lojës u tregua vendimtar me disa intervenime, duke mos lejuar që porta e tij të mposhtet.

Pasi mori çmimin, Koliqi për faqen zyrtare të FFK-së theksoi:

“Faleminderit shumë komisionit, ky është një vlerësim i rëndësishëm për mua, të cilin dua t’ia dedikoj klubit dhe bashkëlojtarëve të mi. Ndeshja me Llapin ishte shumë e vështirë dhe e përgëzoj ekipin për angazhimin. Jam i lumtur që dolëm me pikë të plota nga kjo sfidë. Tani ka mbetur edhe një ndeshje e vështirë për ne, por shpresoj ta mbyllim këtë stinor vjeshtor sa më mirë“.

Lexo edhe

Video