Chelsea e Juventusi përplasen për lidershipin e grupit H, formacionet zyrtare

Chelsea e Juventusi përplasen për lidershipin e grupit H, formacionet zyrtare

Me fillim nga ora 21:00 do të fillojë ndeshja në stadiumin “Stamford Bridge”, ku kampioni aktual evropian Chelsea pret në shtëpi gjigandin italian Juventus.

Ndeshja e sotme është e vlefshme për xhiron e pestë të fazës së grupeve të Ligës së Kampionëve, ku “Zonja e Vjetër” e ka siguruar kualifikimin tutje për në eliminatore nga Grupi H, përcjell KosovaPress.

Në xhiron e fundit të kësaj gare, Chelsea regjistroi fitore minimale me rezultat 1:0 kundër Malmos, kurse Juventusi e siguroi kualifikimin tutje me fitore ndaj Zenitit me rezultat 4:2.

Pas katër ndeshjeve të zhvilluara, Juventusi zë vendin e parë në Grupin H me gjithsej 12 pikë, tre më shumë se kundërshtari i sotëm Chelsea që zë vendin e dytë.


Sa i përket ndeshjes së sotme, te të dy skuadrat do të ketë mungesa të lojtarëve, ku për “Zonjën e Vjetër” nuk do të paraqiten Bernardeschi, Chiellini, De Sciglio dhe Ramsey, kurse për “Blutë” e Londrës nuk do të paraqitet mesfushori Kovacic, kurse në dyshim janë dyshja e sulmit Havertz dhe Lukaku.

Këto janë formacionet zyrtare:

CHELSEA (3-4-3): Mendy; Chalobah, Silva, Rudiger; James, Kante, Jorginho, Chilwell; Pulisic, Ziyech, Hudson-Odoi.

JUVENTUS (4-4-2): Szczesny; Cuadrado, Bonucci, De Ligt, Alex Sandro; McKennie, Bentancur, Locatelli, Rabiot; Morata, Church.

Lexo edhe

Video

error: