Siguri
Garat e shpejtësisë, arrestohet një person në Prizren
Drejtoria rajonale e Policisë në Prizren sot gjatë hetimit të një rasti aksident trafiku me lëndime dje në lagjen “Dardania”, ka arrestuar personin me inicialet E.K. (20), i dyshuar për rrezikim të trafikut publik. Policia ka gjetur përmes rrugëve operacionale prova të qëndrueshme se i dyshuari, i cili ka shkaktuar këtë aksident trafiku, përveç dëmeve materiale lëndime trupore kishte pësuar vozitësi i automjetit, i cili para shkaktimit të aksidentit të trafikut, dyshohet se kishte qenë duke bërë gara shpejtësie me një automjet tjetër, i cili është në kërkim policor. Me urdhër të Prokurorit të shtetit i dyshuari ndalet në mbajtje 48 orë dhe ndaj tij do të ngrihet kallëzim penal për veprat penale aksident trafiku me lëndime, shkaktim i rrezikut të përgjithshëm dhe rrezikim i trafikut publik.
Më shumë nga Siguri
Total: 2,429
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024