Bullgaria dënon fuqishëm dhunën ndaj Forcave Paqeruajtëse të NATO-s në Kosovë
Siguri
Lexohet për: 2 min.
9 muaj më parë
Linku u kopjua

Bullgaria dënon fuqishëm dhunën ndaj forcës paqeruajtëse të NATO-s në Kosovë (KFOR) dhe shpreh solidaritetin e plotë me ushtarakët e plagosur, ka shkruar Ministria e Punëve të Jashtme në Twitter.

“Ne u bëjmë thirrje të gjitha palëve për de-përshkallëzim. Zbatimi i marrëveshjeve të ndërmjetësuara nga BE mbetet e vetmja rrugë përpara”, shkruan ministria.

Në lidhje me protestat dhe përshkallëzimin e tensioneve sociale në ditët e fundit në Kosovë, KFOR-i po kryen detyra për të garantuar rendin dhe sigurinë në zonën e veriut të Kosovës, në përputhje me Rezolutën 1244 të Këshillit të Sigurimit të OKB-së.

Aktualisht, deri në 35 trupa bullgare po marrin pjesë në operacionin e NATO-s në Kosovë, duke kryer detyra që kanë të bëjnë me përmirësimin e sigurisë.

Serbët, të cilët janë shumicë në veri të Kosovës, nuk e njohin pavarësinë e Kosovës, e cila u shpall në vitin 2008. Ata refuzuan të marrin pjesë në zgjedhjet lokale të mbajtura në muajin prill dhe kandidatët me origjinë shqiptare fituan zgjedhjet në katër komuna me shumicë serbe më një pjesëmarrje prej 3.5%. Serbët i kanë bërë thirrje qeverisë së Kosovës që të largojë kryetarët shqiptarë nga komunat dhe të lejojë administratat lokale, të financuara nga Beogradi, të kthehen në detyrë./BTA – KosovaPress/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024