Bersant Celina rikthehet në Angli

Bersant Celina rikthehet në Angli

Skuadra e Championshipit anglez, Stoke City e ka konfirmuar transferimin e yllit kosovar, Bersant Celina në formë huazimi nga Dijoni.

Huazimi i Celinas në Super Ligën e Turqisë te skuadra e Kasimpasa u ndërpre nga Dijoni, dhe ky i fundit vendosi ta dërgojë yllin kosovar te Stoke City, raporton KosovaPress.

Celina tani rikthehet në Angli, ku i bashkohet Stoke Cityt në formë huazimi deri në fund të këtij sezoni.


Trajneri i Stoke Cityt, Alex Neil foli për transferimin e Celinës, ku tha se kosovari është i gatshëm që të lë përsëri gjurmë në futbollin anglez.

“Jam tejet i kënaqur që ne kemi mundur t’i sigurojmë shërbimet e Bersantit. Ai është një lojtarë që e njeh mirë Championshipin dhe është e qartë që ai është tejet i gatshëm që të lë përsëri gjurmë në futbollin anglez”, tha Neil.

Në të kaluarën Bersant Celina ka qenë pjesë e futbollit anglez, respektivisht i skuadrave si Ipswich Town, Swansea City dhe kampionit anglez, Manchester City.

Lexo edhe

Video