Basketboll/ Superliga e Kosovës vjen sot me dy ndeshje shumë interesante

Basketboll/ Superliga e Kosovës vjen sot me dy ndeshje shumë interesante

Xhiro e 24 e Superligës së Kosovës në basketboll hapet sot me dy ndeshje shumë të rëndësishme dhe të paparashikueshme.

Sfida e parë do të jetë ndërmjet Vëllaznimit dhe Bashkimit, që do të jetë shumë e rëndësishme për të dy skuadrat. Kuqezinjtë ndodhen në vendin e fundit me 30 pikë, por nuk janë dorëzuar për të mos rënë nga elita, ndërsa prizrenasit kanë grumbulluar tri pikë më shumë, përcjellë KosovaPress.


Takim interesant pritet edhe ndërmjet Sigal Prishtinës dhe Rahovecit në kryeqytet. Bardhekaltrit deri më tani kanë 32 pikë, kurse Vreshtarët renditen në vendin e tretë me 37 pikë.

Ndeshja ndërmjet Vëllaznimit dhe Bashkimit fillon nga ora 16:00, kurse ajo ndërmjet Sigal Prishtinës dhe Rahovecit nga ora 18:00.

Lexo edhe

Video

1 Koment

Komentet janë të mbyllura.