Avokati kosovar: Hetuesia e ka humbë momentumin për vrasjen në Gllogjan, krim të zbulohet sa më shpejtë

Avokati kosovar: Hetuesia e ka humbë momentumin për vrasjen në Gllogjan, krim të zbulohet sa më shpejtë

Një javë më parë vendi u trondit nga vrasja e trefishtë që ndodhi në Gllogjan të Deçanit. aty u sulmua me armë autobusi i linjës Gjakovë-Gllogjan e ku të vdekur mbetën dy nxënës-maturant dhe shoferi i autobusit. Deri më tani nuk ka të arrestuar për kryesit e kësaj vrasje makabër.

Megjithëkëtë avokati kosovar, Arianit Koci ka bërë kritika ndaj hetuesisë, për çka ka thënë se e ka humbë momentumin, meqë ditën e parë pas krimit gjurmët janë të freskët dhe është dashur të bllokohet i gjithë “Rrafshi i Dukagjinit”.

Koci ka nënvizuar se krimi duhet të zbulohet sa më shpejtë, dhe kriminelëve duhet t’iu dërgohet porosi se askush nuk mund të kryej krime të tilla pa u zbuluar e dënuar ashpër.

Postimi i plotë i Kocit:

1.

Kaloi java dhe ende nuk ka informata për vrasësin/it në Gllogjan.

Hetuesia e ka humbë momentumin.

Ditën e parë pas krimit, gjurmët janë të freskëta. Rasti është “i nxehtë” – siç quhet në zhargon kriminalistik.

Kjo edhe ka qenë arsyeja pse kam insistuar që të bllokohet krejt Rrafshi i Dukagjinit menjëherë pas sulmit, të bëhet regjistrimi i çdo veture që qarkullon dhe të shtohet kontrolla kufitare.

Çka mund të konkludojmë nga të dhënat e deritashme:

– Në vrasje ka marrē pjesë më shumë se një person – qoftë edhe në formë të ndihmës pas kryerjes së veprës penale;


– Ka pasur një plan të detajuar për sulm dhe për ikje nga vendi i ngjarjes;

– Nuk përjashtohet asnjë motiv apo pistë e hetimit.

2.

Me përvojën që kam – më duhen 3 persona nga inteligjenca e policisë, po aq nga FSK dhe AKI (ka individ shumë të aftë) – resurset informative të shetit, si dhe përdorimi brutal i mjeteve të lejuara me ligj, lidhur me hetimin e rastit.

Brenda 10 ditëve, informatat bazike lidhur me kryerësit e këtij krimi, do të diheshin.

3.

Ky krim duhet patjetër të zbulohet. Sa më shpejtë.

Kriminelëve duhet t’u dërgohet porosi, se askush nuk mund të kryej krime të tilla në Kosovë, pa u zbuluar dhe dënuar ashpër.

Përndryshe, nuk ka asgjë të keqe nëse shteti kërkon ndihmë nga personat privatë, me përvojë në hetime, apo edhe nga struktura hetuese të shteteve tjera.

Zbulimi i këtij krimi, duhet të jetë prioritet shtetëror.

Lexo edhe

Video